March 2018

Туристичката кампања за откривање на убавините на нашата земја ги дава посакуваните ефекти. Секое интересно место кое има што да понуди веќе е на мапата и на домашните, а многу повеќе на странските посетители . Така е и во крушево, кое со многубројните содржини, а секако и со природата, ги одушевува туристите...

Крушево веќе пулсира 12 месеци во текот на годината како вистински туристички центар. Градот е преполн со гости. Прекрасната природа, параглајдингот, музеите, историјата се адутите на Крушево.

Многу куќи во Крушево дури и денес ја зачувале уникатната архитектура во која преовладува сината боја. Се верува дека доминантната сина боја е наследство на крушевските печалбари во Грција. Исто така, во некои домови преовладува жолтата боја за што се верува дека е наследство напечалбатите во Романија. 

Општина Крушево е првата општина во Македонија чија апликација беше прифатена од Европска унија и Светска банка, дел од Проектот за локална и регионална конкурентност. Грантот е во износ од 500 000 евра а проектот е дел од ИПА 2 програмата ЕУ.

Спортот е еден од адутите на Крушево во процесот на промоција на градот, но и покажување на сестраната успешност на ова место на 1 250 метри надморска висина. Во Крушево функционираат неколку спортски клубови од различни спортови и покрај тешката финансиска состојба на секој од нив тие имаат историја на постоење, учествување на натпревари и нижење на успеси, кои истовремено се успеси на градот.

Фејсбук групата „Крушево и крушевчани низ стари фотографии“ во последно време стана многу популарна, а претставува група во која помлади и повозрасни, сегашни и поранешни крушевчани објавуваат фотографии и податоци за истите.

Прослава на 1-ви мај, 1945г.

Досега се објавени над 2 000 фотографии, а групата се приближува до бројка од 2 000 членови.

Почнувајќи од викендот (03/04.03.2018г.) локалната самоуправа започна иницијатива на социјалната мрежа „Фејсбук“ за промоција на Крушево во соработка со угостителските објекти преку користење на хаштагот #ВикендВоКрушево.

Еве во што се состоеше објавата со која се промовираше картата за дневно и полудневно скијање со попуст и промоција на секој објект кој што објавува на социјалните мрежи.

Оваа година во Крушево имавме закаснета зима, но според прилозите кои телевизија Сител и Македонската телевизија ги направија локалната самоуправа излезе во пресрет на угостителите и туристите и со свои мерки придонесе кон искористување на снежната покривка од над 50 центиметри.

Во продолжение погледнете го прилогот емитуван на Сител и порталот Инфокомпас.

https://youtu.be/6E2tWnC3FZg