По летното издание на When in Krusevo организаторите ги резервираа датите 8-ми, 9-ти и 10-ти за зимската верзија на настанот.

Во „Фејсбук“ настанот организаторите ги покануваат сите посетители на часови по скијање, тандем параглајдинг и дегустација на вкусна храна.

На 25 јануари во спомен куќата „Тодор Проески“ ќе се одбележи уште еден роденден на големата музичка ѕвезда Тоше Проески со настап на македонската пејачка и пријателка на Тоше Елена Ристеска.

Настанот ќе започне во 11:30 часот во спомен куќата „Тодор Проески“, а освен настапот на Елена Ристеска локалната самоуправа заедно со спомен куќата „Тодор Проески“, Меѓународната фондација Тоше Проески, СОУ „Наум Наумовски Борче“ и ООУ „Никола Карев“ ќе прикажат и друг тип на содржини во чест на Тоше.

Во продолжение целосната агенда за настанот:

На 5-ти јануари со почеток во 18 часот на градскиот плоштад во Крушево ќе се одржи настанот „Дева - во чест на новото раѓање“ во организација на Локален младински совет и Средношколската заедница при СОУ „Наум Наумовски Борче“, Крушево.

Празникот Дева се празнува единствено во Крушево и Витлеем, Израел и го најавува Христовото раѓање.

На овој настан крушевчани гледаат повеќе како уште еден настан од областа на културата кој претставувам уште една причини голем број на туристи да го посетуваат Крушево.

На 28.12.2018 (петок) во хотел Монтана палас Крушево ќе се одржи предновогодишна приредба со учениците од СОУ „Наум Наумовски Борче“, ООУ „Никола Карев“, децата од градинката „Гонча Туфа“, со поддршка на локалната самоуправа.

Ги повикуваме учениците, младите, нивните блиски и сите заинтересирани во петок во 12 часот да ја проследат предновогодишна прослава во хотел Монтана.

Покрај организираниот пречек на градскиот плоштад „Никола Мартиноски“ со настап на Александра Јанева, во градскиот парк ќе се одржи и Новогодишен базар.

Организатор на Базарот е општина Крушево, а учество ќе земат СОУ „Наум Наумовски Борче“, ООУ „Никола Карев“, Крушевска жена, локалните угостители, занаетчи и изработувачи на ракотворби.

Базарот започнува во 11 часот претпладне, на 31.12.2018, во градскиот парк во Крушево. 

Да учествуваат во овој базар поканети се сите угостители, занаетчии, ракотворци и сите оние кои имаат да претстават нешти уникатно.

Македонската пејачка Александра Јанева ќе ја има главната улога на Новогодишната прослава во Крушево.

Забавата започнува во 21:00 со загревање на ди џеј Хуго, а крушевчани и туристите ќе ја дочекаат Новата 2019 година со настап на Александра Јанева.

Градскиот плоштад е местото каде што ќе се одржи прославата.

Во вторник организираме заеднички пречек во град Крушево на маратонците во чест на Тоше. Оваа година сакаме да организираме потопол пречек кој нема да се случува само на Гумење, туку и низ улиците во градот каде што ќе поминуваат маратонците.

Идејата е следна: