Explore
Манастир Свето Преображение
Манастирот Свето Преображебие се наоѓа надвор од Крушеви на повеќе од 1 700 метри надморска висина и се смета за втор дом на познатиот македонски пејач Тоше Проески.
Овој манастир е преодна точка за планинските велосипедисти и планинарите на патот кон Мусица, на 1 780 м.н.в..
Споменик Илинден
Изграден на историското Гумење споменикот Илинден е откриен на 2-ти август 1974 и денес го посетуваат стоитици и илјадници посетители од Македонија и Европа.
Споменикот е симбол на борбата и непокорот на македонскиот народ, а внатрешноста на објектот симболично ја претставува маката на македонскиот народ за независност. Исто така, околината на споменикот ги симболизира загубените животи на многу борци.
Спомен куќа Тодор Проески
Во спомен куќата Тодор Проески можат да се видат предмети кои зборуваат за животот на познатиот македонски пејач кој загина трагично во 2007-ма година.
Тоше Проески е балканска музичка ѕвезда и во негова чест е изградена спомен куќата. Тој беше амбасадор на Македонија и музички талент кој можеше да достигне светска слава.
Греми наградените Inner Circle на адреналинскиот фестивал When In Krusevo!
Втора година по ред љубителите на планинските адреналински спортови и рекреативците ќе можат да уживаат во убавините на Крушевските предели. Оваа година фестивалот „When In Krusevo“ ќе се одржи во последниот викенд од Јуни, односно од 29-ти јуни до 1-ви јули, а организаторите најавуваат уште поголем и подобар фестивал од претходната година.
Најдоброто место за параглајдинг
Крушево се смета за едно од најдобрите места за параглајдинг во светот. Полетиштето На Мечкин Камен оваа година е домаќин на десетина интернационални натпревари во параглајдинг и змејарство, започнувајќи со Меѓународниот пролетен куп, па во август месец Светско првенство во параглајдерство и меѓународен светки натпревар во змајарство.
Ски центар Крушево
Ски центарот Крушево e едно од најпопуларните места за скијање и, генерално, за зимски туризам во Македонија. Дел од ски центарот е местото викано Станич каде што се наоѓаат неколку скијачки стази за аматери заедно со два ски лифта.
Настрана од овие стази за скијање под жичарницата поминува уште една стаза во должина од 618 метри која се смета дека е наменета повеќе за професионалци.
Горе на Станич има два ресторани - Скаут и Шапе, кои нудат многу пијалоци и видови на храна.
Галерија Никола Мартиноски
Меѓу најпосетените места во Крушево е галеријата на слики на познатиот сликар Никола Мартиноски чија работа го прави еден од најистакнатите фигури во македонската култура во 20-от век.
Зошто го создадовме krusevo.mk
Крушево.ком произлезе од онаа генерална заложба од Крушево да направиме поубаво место. За да го направиме Крушево поубаво место потребно е да отстраниме недостатоци и да го додадеме или создадеме она што модерните градови го прават.
Крушево.ком е создаден исклучиво за промоција на градот и отворање на простор на сите оние кои нудат некакви услуги да имаат каде, освен социјални мрежи, да ги промовираат тие услуги. Но, дополнително, го создадовме Крушево за да послужи како поттик, како некоја цел која мора да ја исполниме.