January 2019

Одбележувањето на годишнината од раѓањето на Тоше Проески беше исполнет со песните на Тоше интерепретирани од млади пејачи од Крушево и пријателката на Тоше Елена Ристеска.

Настанот се одржа на 25-ти јануари 2019 во спомен куќата „Тодор Проески“ во Крушево и ги собра фановите на Тоше од Македонија, Бугарија, Словенија, Србија и други.

Во видеото подолу можете да погледнете извадоци од настанот и да ја почувствувате атмосферата.

Најновата разгледница од Крушево е пред вас.

Измина една прекрасна седмица во Крушево во која викендот им овозможи бескрајно задоволство на посетителите и крушевчани. Сонце, снег, топол чај и скијање на Станич. Низ улиците на градот - мирис на вкусната традиционална храна и кафе муабет.

Дел од оваа разгледница се следниве наши поддржувачи: Билјана Пулеска, Драга Ставреска, Емилија Андрееска, Филип Ристески, Михајло Фити, Наум прешоски, Софија Мандилоска, Даница Тироска, Томе Христоски.

Испраќајте ги вашите фотографии од Крушево:

vikendvokrusevo@yahoo.com

Ја презентираме најновата зимска разгледница од Крушево со фотографии од фановите на Викенд во Крушево Дел од најновата разгледница се Горан Георгиевски, Љубица Трајкоска, Наум прешоски, Драга ставреска, Стефо Јанкулоски, Томе Христоски и Сотир Габелоски. Покрај снежните пејсажи од Крушево, во оваа објава ќе најдете фотографии од атмосферата за големиот христијански празник Богојавление Водици, што се одржува на Крушевско езеро. Продолжете да ни ги испраќате фотографиите за разгледниците на Викенд во Крушево и Krushevo.com vikendvokrusevo@yahoo.com vikendvokrusevo@gmail.com

Изминатиот продолжен викенд снегот во Крушево донесе многу пејсажи и погледи кои го одземаат здивот. Истовремено, крушевчани и надојдените посетители направија многу фотографии од Крушево и околината и со тоа ги документираа овие прекрасни денови во Крушево.

Во галеријата погоре можете да најдете фотографии од улиците во Крушево, гробното место на Тоше Проески, скијачките терени, детското одморалиште Бегова корија, шумските патеки, манастирот Св. Преображение и панорамски фотографии од повеќе агли на градот.

По мое мислење ретко се случува во пракса да ги доживееш возвишените очекувања за одредена работа. Нормално е за нашата прва средба со некое место или личност да ни’ фали нешто во споредба со сликите кои претходно не’ маѓепсале. Во Америка, на пример, вообичаено е да ги хиперболизирате добрите страни и да ги минимизирате впечатоците за лошите за да ја достигнете вашата поента. Прифатливо е, но до одреден степен, да користите грандиозна и преопширна реторика. Исто така, нормално е дека сите, вклучувајќи ги и Американците, брзо учат да ги менаџираат очекувањата.