featured

Крушево.ком произлезе од онаа генерална заложба од Крушево да направиме поубаво место. За да го направиме Крушево поубаво место потребно е да отстраниме недостатоци и да го додадеме или создадеме она што модерните градови го прават.

Крушево.ком е создаден исклучиво за промоција на градот и отворање на простор на сите оние кои нудат некакви услуги да имаат каде, освен социјални мрежи, да ги промовираат тие услуги. Но, дополнително, го создадовме Крушево за да послужи како поттик, како некоја цел која мора да ја исполниме.

По мое мислење ретко се случува во пракса да ги доживееш возвишените очекувања за одредена работа. Нормално е за нашата прва средба со некое место или личност да ни’ фали нешто во споредба со сликите кои претходно не’ маѓепсале. Во Америка, на пример, вообичаено е да ги хиперболизирате добрите страни и да ги минимизирате впечатоците за лошите за да ја достигнете вашата поента. Прифатливо е, но до одреден степен, да користите грандиозна и преопширна реторика. Исто така, нормално е дека сите, вклучувајќи ги и Американците, брзо учат да ги менаџираат очекувањата.

Ја презентираме најновата зимска разгледница од Крушево со фотографии од фановите на Викенд во Крушево Дел од најновата разгледница се Горан Георгиевски, Љубица Трајкоска, Наум прешоски, Драга ставреска, Стефо Јанкулоски, Томе Христоски и Сотир Габелоски. Покрај снежните пејсажи од Крушево, во оваа објава ќе најдете фотографии од атмосферата за големиот христијански празник Богојавление Водици, што се одржува на Крушевско езеро. Продолжете да ни ги испраќате фотографиите за разгледниците на Викенд во Крушево и Krushevo.com vikendvokrusevo@yahoo.com vikendvokrusevo@gmail.com

Поранешниот гитарист на познатата македонска група Леб и сол, а сега соло изведувач Влатко Стефановски синоќа внесе позитивна енергија, донесе забава во Крушево и инспирира многу фотографии и видео записи од неговиот настап.

Како дел од Манифестацијата НКС „Десет дена Крушевска Републиак“ на 9-ти август во градскиот парк во Крушево настапи Влатко Стефановски кој ги привлече не само крушевчани, туку и посетителите од соседните градови околу Крушево. 

Стефановски отсфири и отпеа дел од неговите најпознати песни и со присутните сподели дел од својата харизма.

Општина Крушево е првата општина во Македонија чија апликација беше прифатена од Европска унија и Светска банка, дел од Проектот за локална и регионална конкурентност. Грантот е во износ од 500 000 евра а проектот е дел од ИПА 2 програмата ЕУ.

Македонското и Унгарско параглајдинг првенство дел од пред Светските првенства 2018 се одржа во Крушево од 5-ти до 11-ти август со 134 учесници. Дополнително, во исто време на полетувалиштето на Мечкин Камен имаше уште стотина рекреативни параглајдеристи кои го исполнуваа небото со различни бои. 

Од недела, 26-ти август, започнува Нордик опен.

Се одржа втората вечер од фестивалот Крушево будно и забавата што изведувачите ја понудија го наполна градскиот парк во Крушево по втор пат овој викенд.

На втората вечер настапуваа ди џеј Грувмен и ди џеј Перо, Тајзи и ди џеј Андреј Ѓошев. 

Забавата траеше до раните утрински часови и со тоа заврши третото издание на Крушево будно.

 

Една од главните идеи на новиот веб портал krusevo.mk (krushevo.com) е Крушево и се што нуди да биде видливо на интернет и овој портал, од една страна, да претставува уште една опција за промоција на локалните капацитети, а, од друга страна, заеднички да создадеме еден сервис за потенцијалните туристи.